Жанар айжанова биография личная жизнь

Почему в то время, когда многие казахстанцы из-за ряда запретов не могут достойно проводить в последний путь умерших родственников, наши звезды умудряются устраивать праздники с национальной одеждой, угощением и даже юртой в собственном дворе.

17 августа в СМИ появилась информация, что известная казахстанская актриса Жанар Айжанова выдала замуж свою единственную дочь. Самое интересное, что по этому случаю она устроила праздник в национальном стиле прямо во дворе своего дома, где расположилось немалое количество гостей и даже была настоящая юрта. 

Как сообщило одно казахстанское издание, отечественная знаменитость Жанар Айжанова не смогла отпраздновать замужество своей единственной дочери на широкую ногу из-за карантина, поэтому было решено перенести торжество во двор своего коттеджа. Несмотря на то что число гостей было ограничено, праздник прошел на широкую ногу. Артистка распорядилась, чтобы во дворе ее коттеджа поставили юрту, а наряды гостей были выдержаны в национальном стиле. 

Это празднество вызвало весьма неоднозначную реакцию у пользователей соцсетей, так как, несмотря на послабление карантина, в стране все еще действует запрет на проведение массовых мероприятий и праздников. В связи с этим редакция медиа-портала Caravan.kz выяснила, как прошел “той на открытом воздухе” у г-жи Айжановой для любимой дочери. 

В соцсетях опубликовано множество кадров этого яркого события. Как уже отмечалось выше, все прошло в традиционном казахском стиле. Об этом свидетельствует ряд видеозаписей с мероприятия. 

Можно заметить, что практически все гости были облачены в национальные наряды. 

Причем национальный колорит у многих еще и сочетался по цветовой гамме. 

Жанар Айжанова 1968 жылы Ақтөбе облысының Шалқар ауданындағы Тұмалыкөл ауылында туған.

Отбасылық жағдайы:

Тұрмысқа шыққан. Айжұлдыз есімді қызы бар. Бірақ күйеуі туралы көп айта бермейді.

Жанар Айжанова Instagram желісіндегі жеке парақшасында күйеуімен бақытты ғұмыр кешіп жатқанын, оның есімі Ерболат екенін айтады. Ол 3 наурызда дүниеге келіпті. Бірақ қай жылғы екені белгісіз.

“Бүгiн Ерболатымның туған күнi. Елдiң алдында бiр құттықтап қояйын. Денсаулық басты байлық демекшi, ешқашан ауырма, жасың ұзақ болсын. Айжұлдыздың қызығын бiрге көрiп, немере, шөбереге жетудi Алла нәсiп етсiн!”, – дейді ол.

Сонымен қатар әнші күйеуінің Тоқтар Серіковке ұқсайтынын айтады.

“Отағасын Тоқтарға ұқсатады. Бүгiн қарасам, шынымен айнымайды екен. Ұлықпанға айтып “Егiздер” деген топ құрсам ба деп отырмын”, – дейді Жанар Айжанова қалжыңдап.

Әншінің үлкен өнерге қадам басуына кім себепкер болды?

Жанар Айжанова мектепте үздік оқыған. Ол музыка пәнін ерекше жақсы көрген, бала кезінен ән айтады. Ал үлкен өнерге қадам басуына анасы себепкер болыпты.

“Бiздiң бала кезiмiзде ақшаға зат табыла бермейтiн. Мына домбыраны марқұм анам Алматыға тапсырыс берiп, сатып алды. Мен 3-сыныпта оқып жүргенде 24 рубльге сатып алыпты. Қасымдағы Серiк ағаммен қосылып, ән салатынбыз. Менiң әншi болатыныма әу баста кепiлдiк берген анашымның сыйлығына баға жетпейді”, – дейді әнші.

Жанар Айжанова 1995 жылы қазіргі Абай атындағы Қазақ ұлттық педагогикалық университетінің музыка факультетін тәмамдаған.

1985-1986 жылдары Ақтөбе облысы Шалқар аудандық мәдениет үйінде автоклуб меңгерушісі болады.

1991-2000 жылдары Сүйінбай атындағы Алматы облыстық филармониясында “Адырна” фольклорлық-этнографиялық ансамблінде еңбек еткен. “Гүлдер” ансамблінің әншісі ретінде өнер көрсетеді.

1994 жыл. Әншінің Германияда жүрген кезі

Сонымен қатар әнші “КТК” және тағы басқа телеарналардағы бағдарламаларда жүргізуші болған.

Жетінші телерналардағы “Отбасы”, “Тақиялы періште” телесериалдарында, Q-елі скетч-шоуына түседі.

1999 жыл. Мейрамбек Беспаев пен Жанар Айжанова Маңғыстау өңірінде қонақта жүр

Әншінің туған-туыстары жайында не білеміз?

Жанар Айжанова анасымен бірге. Сурет әлеуметтік желіге 2014 жылы жүктелген 

“Анама жеттiм-ау! Аман-есен отыр екен. Биыл 83 жасқа келдi. Маған сақтаған құрт-iрiмшiгi және тарысымен шай iшiп отырмын”, – дейді ол.

Жанар Айжанов жақындарымен әлі тығыз байланысты екенін, олар Алматыға келгенде бір қуанып қалатынын айтады.

“Бiрге тумақ болғанмен, бiрге жүрмек жоқ” деп бұрынғылар дұрыс айтқан ғой. Әкемiздің өмірден өткеніне 15 жыл болды. Содан берi орнына әке болып жүрген Орынбасар ағам келiп қуанып жатырмыз”, – дейді ол.

Әншінің туыстарының алдында билеп тұрған сәті 

“Өзiмiздiң отбасылық тойымызда. Ағайын-туыс, құрбы-құрдастарымызбен қауышқанда осындай “тұқымы бөлек билер” болып тұрады”, – дейді әнші.

Біз білмейтін Жанар Айжанова

Қазақ эстрадасының жарқын жұлдызы халыққа қарапайымдылығымен ұнайды десек қателеспейміз.

Әншінің кәуап пісіріп тұрған сәті

Әншінің хоббиі – мылтық ату

Сонымен қатар қазақ эстрадасының жарқын өкілі тағы бір фотосында сұлулықтың құпиясымен бөліседі.

“Қазiр көп қыз-келiншектер бетiне операция жасап, жасарғысы келедi. Әсiресе, көзге көп ота жасатады. Менiң бет күтiмiмдегі бiр құпиям осы. Нәтижесi керемет: қан айналымы күшейедi және бетте iз қалмайды”, – дейді әнші.

Тағы бір жазбасында өзі жайлы кітап бар екенін, оны толықтырып қайта жазуды ойластырып жүргенін айтады.

1993 жылы басылып шыққан кітап. Мұқабада Жанар Айжанова

Әншінің айтуынша, оның сахнада жүргеніне 30  жыл болған, репертуарында 200-дей әні бар.

Жанар Айжанова 50 жылдық мерейтойын қалай атап өтті

2018 жылы әнші 50 жасқа толуына орай дүркіретіп той жасады. Оған қазақ эстрадасының өкілдері түгел жиналды. Олардың арасында Мақпал Жүнісова, Жазира Байырбекова, Роза Рымбаева, Лидия Кәден, “Музарт” тобы, Мирас пен Құралай, Гүлзира және Нұртас Айдарбековтер, Асхат Тарғын, Нұрболат Абдуллин және тағы да басқа әншілер болды.

Мақпал Жүнісованың тойда билеп жүрген сәті

Айта кетейік, жақында танымал әнші заманауи ролик түсіремін деп желі қолданушыларынан сөз естіп қалды. Олардың пікірінше, 50-ден асқан әйелдің роликтегі іс-әрекеттері ерсі көрінеді.

Санаулы күн бұрын Ақтөбеде өткен «Туған жер» республикалық форумына келгендердің бірі танымал әнші, термеші, соңғы кезде актриса, тележүргізуші болып жүрген Жанар Айжанова «Тілшіге» Ақтөбеге не үшін өкпелегенін, қаланың қазіргі жағдайын, биліктегі өзгерістер мен  Бердібек Сапарбаевқа қатысты ойларын айтып берді.

«Қазақта өркенің өссін деген жақсы сөз бар. Ақтөбе өркендей берсін, өсе берсін. Қашан да қызмет етуге дайынбыз. Қызмет етіп те жүрмін. Жүрген жерімде аузымнан Ақтөбемді тастамаймын, Шалқарымды тастамаймын. Алматыда жүргенімізге отыз жыл өтсе де, Ақтөбенің тілімен сөйлеймін», – деп бастады әңгімесін әнші.

«Қазақылықтың кең дарыған жері Ақтөбенің жері ғой, батыстың жері. Әкеміз не үйретті, шешеміз не үйретті, соны насихаттап жүрміз. Сонымыз халыққа ұнап та жүр. Жерлестер форумының абыроймен өтуін тілеп отырдық. Әрі қарай жалғасын тауып отырса, игі іс болар еді», – деді Айжанова.

Әншінің пайымынша, Ақтөбеден шыққан азаматтар мен азаматшалардың барлығы, жоқ дегенде келіп, бір тағзым жасап кететіндей дәрежеде болулары керек. Олар туған жерлерін ұмытпасын деген тілек айтты.

Жанар Айжанова жерлестер форумын республика бойынша бірінші болып Ақтөбе облысының өткізіп жатқанына қуанышты екенін жеткізді. Ел азаматтары өңірдің көркеюіне үлес қосу керек деп есептейді.

Әңгіме барысында Шалқар ауданының Шетырғыз ауылынан шыққан әнші Ақтөбе облысына реніші болғанын да жасырмай айтып берді.

«Мен шынымен Ақтөбеге өкпелейтінмін. Өйткені, қаншама келіп концерт қойып жүргенімде бір 3-4 түйір гүлін алып амандасып кетуге жарамайтын. Білмеймін, кім болса да, тек тонауға дайын тұратын. Аренданың ақшасын алып, саудаласуға келуді біледі. Мен Ақтөбеге көп келмей кеттім ғой. Ал, бірақ, биылғы «Туған жерге тағзым» шарасы, «Туған жер» форумы басқа әңгіме. Оны шатастыруға болмайды», – деді ол.

Әнші Ақтөбеге күнде келмеген соң, сағынатынын жеткізді.

«Елге деп келгенде басқаша келесің, сағынып келесің. Басымнан өтті ғой. Сол кездері билет өткізгенде қиналасың. Көмектеспегені былай тұрсын, анаусы келіп бір тонайды, мынаусы келіп тонайды. Концертке келгенде ақша табамыз деп келмейсің ғой. Анда-санда бір айналып соғып тұрасың. Концерт бергің келеді. Басқа жаққа барғанда да концерт бересің. Неше түрлі құйтырқы жағдайлар болып жатады. Бірақ ауылға келгенде өзіңнің туған жеріне арқаны кеңге салып, рахаттанып келесің ғой. Алайда, көңіліңді түсіріп жібереді», – дейді әнші.

Айжанова жергілікті атқару органдарға, телеарналар мен радиостанцияларға өкпелі болғанын айтты.

«Бір жарнама бере қояйын десең, әкелерінің құнын сұрайды. Радиоң да, телевизорың да. Сөйтіп, анау кішкене ақшаны қайда жеткізем деп дал боласың. Келген халық ренжиді. Жарнаманы аз бересің деп. Сондай кезде, әкімшіліктің де, телевидениеңнің де көмегі керек екен. Біз миллионер емеспіз. Тек сол өзіміздің әнімізбен жүреміз. Бірде бар, бірде жоқ. Әншілерді бай дегендермен келіспеймін. Жүрген адамбыз. Кірісімізді есептейді де, шығысымызды есептемейді. Бір ән жазып концертке шығудың өзіне 3500-4000 доллар кетеді. Өзіміздің қалтамыздан. Оны ешкім көтермейді. Оны сен де жақсы білесің, мен де жақсы білемін. Ақшаны қалай табамыз, солай кетеді», – деп мұңын шақты әнші.

Дегенмен, «Туған жер» форумының орны бөлек екенін шегелеп айтқан әнші бүгінде Ақтөбе мен Бердібек Сапарбаевты аузынан тастамайтын көрінеді.

«Жаңа шағын аудандар салынып жатыр. Ақырындап өзгерістер байқалады. Бұрын мен үшін Ақтөбе ұйықтап жатқан қала сияқты көрінетін. Қазір даму жағынан Ақтөбе әдемі келе жатыр. Биыл жазда қаланы аралағанмын. Ақтөбе дегенде аузымнан тастамай, ақтөбеліктерге де, ақтөбелік еместерге де, әйтеуір, «қалайсың» дегенде «Сапарбаев ағамыз шақырып, Ақтөбеге барып келгенбіз» деп айтып отырамын. Аралап көрдік, Өнер орталығын салып берген. Батыс-2 деген шағын ауданды көрдік. Мақтанып айтып жүремін. Өйткені, Ақтөбенің кереметін көзбен көрдім. Көзбен көрмеген нәрсені айтпаймын. Ұшақпен келе жатқанда да әңгімеміз Ақтөбенің көркеюі жайында болды. Барды бар, жоқты жоқ деу керек», – дейді Айжанова.

Облыс әкімі қызметінен кеткен күнде ақтөбеліктердің одан көп нәрсе үйреніп қалу керектігін жасырмады.

«Бердібек ағамызға рахмет айту керек. «Ат аунаған жерде түк қалады» дейді. Әкім ерте кете ме, кеш кете ме, уақыт көрсете жатар. Аз уақыттың ішінде керемет дүниелер салып беріп жатыр. Енді мәселе соны әрі қарай жалғастырып әкетуде болып отыр. Ол кісі сүйрелеп, аузыңа нан тауып беріп асырамайды ғой. Шайнап бергенді әрі қарай жұту біздің міндетіміз. Сол себепті, ол кісінің тәсілін, сол кісінің жұмысын үйрену окерек. Түнгі сағат он екі – бірге дейін кабинетте отыра береді деп аңыз қылып айтамыз. Сол кісінің жұмыс істегенінен Ақтөбенің азамат, азаматшалары үлгі алулары керек. Халық үшін қанын төгіп, қызмет ету керек. Сонда ғана Ақтөбенің мұртын балта шаппайды. Мәселе сонда болып тұр», – дейді Жанар Айжанова.

Қазіргі облыс басшысының өнер және шығармашылық адамдарының бетін Ақтөбеге қаратты дегенін алға тартқан әнші Сапарбаевтың Ақтөбеде ғана емес, жүрген жерінің барлығында ылғи өнерге оң көзімен қарайтынын жеткізді.

«Содан кейінгі екінші адам Тасмағамбетов. Бір көзі ылғи өнерде жүреді. Әдебиет пе, мәдениет пе, барлығын бөлмейді, әйтеуір ықпалын тигізіп жүреді. Сондықтан, Бердібек Сапарбаев әкім болып Ақтөбе облысына келгенде де әдетінен жаңылған жоқ. Бұрын олай көңіл бөлінбеген соң жұрттың барлығы риза болып жатқан шығар. Жалпы, Бердібек ағамыз жүрген жерінің барлығында өнерді бірінші орынға қойып жүр», – деді Ақтөбеден шыққан әнші.

Айта кетейік, танымал өнер жұлдыздары Қобыланды батыр атындағы Орталық стадионда үлкен концерт берді. Жанар Айжанованың өзі сахнадағы әріптестерімен бірге попурри әндер орындады.

Асқар Ақтілеу, «Тілші»